ԱՐԹՈՒՐ ԼՅՈՒԴՎԻԳԻ ԱԹԱԲԵԿՅԱՆ010 742830

Ծնվել է 1982 թվականին Երևան քաղաքում։

Կրթություն

2002 թվականին ավարտել է ԵՊՀ իրավաբանական ֆակուլտետը:

2008 թվականին ավարտել է ՀՀ պետական կառավարման ակադեմիայի իրավաբանական ֆակուլտետի մագիստրատուրան:

Աշխատանքային փորձ

2004 թվականից մինչև 2005 թվականն աշխատել է Երևան քաղաքի Արաբկիր համայնքի թաղապետարանում` որպես կոմունալ տնտեսության բաժնի առաջին կարգի մասնագետ:

2005 թվականին աշխատել է ՀՀ տնտեսական դատարանում` սկզբում որպես գրասենյակի քարտուղար-օպերատոր, այնուհետև` որպես գրասենյակի պետ:

2005 թվականից մինչև 2006 թվականն աշխատել է ՀՀ դատարանների նախագահների խորհրդի քարտուղարության դատական պրակտիկայի ամփոփման և դատական վիճակագրության բաժնում` որպես մասնագետ:

2006 թվականին աշխատել է ՀՀ վճռաբեկ դատարանի աշխատակազմի դատական պրակտիկայի ամփոփման և դատական վիճակագրության վարչությունում` որպես մասնագետ:

2006 թվականից մինչև 2008 թվականն աշխատել է ՀՀ դատական դեպարտամենտի դատական վիճակագրության վարչությունում` որպես մասնագետ:

2008 թվականից մինչև 2012 թվականն աշխատել է ՀՀ դատական դեպարտամենտի դատական պրակտիկայի ամփոփման վարչությունում` որպես ավագ մասնագետ:

2012 թվականին ավարտել է ՀՀ դատական դպրոցը:

2012 թվականին աշխատել է ՀՀ դատական դեպարտամենտի կազմակերպաիրավական վարչությունում` որպես ավագ մասնագետ:

2012 թվականի հոկտեմբերի 18-ին ՀՀ Նախագահի հրամանագրով նշանակվել է Լոռու մարզի ընդհանուր իրավասության դատարանի դատավոր:

ԲԴԽ-31-Ո-75 որոշմամբ ներկայացված առաջարկությամբ՝ ՀՀ նախագահի՝ 2018 թվականի օգոստոսի 10-ի հրամանագրով նշանակվել է Սնանկության դատարանի դատավոր:

2022թ. հունվարի 13-ին ՀՀ նախագահի՝ ՆՀ-13-Ա որոշմամբ նշանակվել է սնանկության դատարանի նախագահ` երեք տարի ժամկետով:

2023 թվականի ապրիլի 7-ին ՀՀ Դատավորների ընդհանուր ժողովի կողմից ընտրվել է Բարձրագույն դատական խորհրդի անդամ:

Այլ տեղեկություններ

2002 թվականից մինչև 2004 թվականը ծառայել է ՀՀ զինված ուժերում:

Կոնտակտային տվյալ

a.atabekyan@court.am