ՖԵԼԻՔՍ ՊԱՊԻՆԻ ԹՈԽՅԱՆ (+374 11) 588181144
Ֆելիքս Թոխյանը ծնվել է 1956 թ. հունիսի 20-ին Ստեփանակերտում։
1979 թ. ավարտել է Երեւանի պետական համալսարանի իրավաբանական ֆակուլտետը՝ գերազանցությամբ, ապա՝ 1982 թ. ՀՀ ԳԱ փիլիսոփայության եւ իրավունքի ինստիտուտի ասպիրանտուրան։ 1983 թ. աշխատել է նույն ինստիտուտում որպես լաբորանտ-հետազոտող, կրտսեր գիտաշխատող, գիտաշխատող։
1991-1993 թթ. եղել է Երեւանի «Գալիք» ինստիտուտի իրավաբանական ֆակուլտետի պետական իրավունքի ամբիոնի վարիչ, պրոֆեսոր։
1993-1995 թթ. աշխատել է ՀՀ Գերագույն խորհրդում որպես մանդատային հանձնաժողովի փորձագետ։
1995 թ. սեպտեմբերից աշխատել է ՀՀ կառավարման դպրոցում որպես պրոֆեսոր՝ պետաիրավական կրթաբլոկի ղեկավար։
1991-1995 թթ. եղել է ՀՀ Գերագույն դատարանի ատենակալ։
1997 թ. սեպտեմբերի 23-ին նշանակվել է ՀՀ սահմանադրական դատարանի անդամ։
1998թ. ապրիլի 23-ին ՀՀ Նախագահի հրամանագրով նրան շնորհվել է դատավորի որակավորման բարձրագույն դաս:
2003 թվականից Ռուս-հայկական (սլավոնական) համալսարանի իրավունքի տեսության եւ սահմանադրական իրավունքի ամբիոնի վարիչ, դասախոս է։
Իրավաբանական գիտությունների թեկնածու է, 8 գրքի եւ մոտ 70 գիտական ու գիտահանրամատչելի հոդվածների հեղինակ։
Պատասխանել
Եղեք առաջին մեկնաբանողը